_{Бүгүн биһиги өссө биир үөрүүлээх сонуну туттубут.}

Бүгүн биһиги өссө биир үөрүүлээх сонуну туттубут. Иитээччи Федотова Оксана Никитична 16 заезд оҕолорун кытта нууччалыыттан сахалыы тылбаастаабыт "Бөрө уонна ньирэй" диэн ойуулуга өрөспүүбүлүкэтээҕи "Сахалыы саҥарбыт ойуулук" кэтэхтэн көрүү күрэххэ "Кэрэҕэ угуйар ойуулук" диэн анал ааты ылла! Күрэҕи Таатта улууһун үөрэҕирии салалтата, Ытык Күөллээҕи “Чуораанчык” оҕону сайыннарар киин тэрийэн ыыттылар. Ойуулугу сахалыы саҥартылар: Иванов Дамир, Катакинов Саян, Солдаткин Сарыал, Винокуров Артур, Ефграфова Анеля. Оҕолор саҥаларын устан, InShot программаҕа таҥан оҥордулар. Ойуулук музыкатын талан, тыаһын-ууһун барытын бэйэлэрэ таһаарбыттар. Оҕолор хас да күннээх сыралаах үлэлэрэ сыаналаммыт. Оксана Никитичнаҕа уонна оҕолорбутугар итии-истиҥ эҕэрдэ! Саха тыла — төрөөбүт тылбыт, ол аата куппут-сүрбүт тыла, өбүгэбитин кытта ситимниир тыл. Билигин сахалыы ойуулуктар элбээн эрэллэрэ киһини үөрдэр. Бу ойуулуктары көрөн сахалыы саҥарар оҕо элбиэҕэ диэн эрэлбит улахан. https://clck.ru/3F7xZm