_{Доруобуйаны харыстыыр аныгы ньымалар тустарынан Сардаана оҕо уһуйааныгар бэсиэдэ ыытыллан ааста.}

Доруобуйаны харыстыыр аныгы ньымалар тустарынан Сардаана оҕо уһуйааныгар бэсиэдэ ыытыллан ааста. Ол курдук: 1. Медико-профилактическай. Оҕо доруобуйатын кэтээн көрүү тэрээһинэ, аһыыр аһылык хонтуруола, эти-хааны сайыннарыы, чэбдигирдии, ыарыыттан сэрэтэр дьаһаллар, санитарнай быраабыла ирдэбилин хонтуруоллааһын. 2. Физкультурно-оздоровительнай. Физическэй культура, эти-хааны эрчийии, тыынар гимнастика, массаж, хаптаҕай уллуҥахтаах буолууттан сэрэтии, сөптөөх быһыы-таһаа, харбааһын уонна тренажердарга дьарыктаныы. 3. Социально-психологическай үтүө туруга. Бу технологияны психолог дьарыктыыр. Сүрүн соруга буолар иэйии маанытын уонна бэйэ чинчитин сөптөөхтүк хааччыйыы. 4. Үөрэҕирии технологията. Доруобуйаны харыстыырга, валеологияҕа (ол эбэтэр доруобуйаны үөрэтэр наука) үөрэтии. 5. Валеологическай сырдатыы. Төрөппүттэргэ, оҕолорго валеология үөрэҕин билиһиннэрии. Ол курдук, тус доруобуйаны харыстыыр усулуобуйалар тустарынан үөрэтии, эти-хааны эрчийии, экологияны үөрэтии. •Доруобуйаны харыстыыр уонна көҕүлүүр күүс ньыматыгар киирэллэр: -ууннары тардыы, хамсаныылаах уонна спортивнай оонньуулар. -тарбах, харах, тыҥа гимнастиката -эрчимнээх, сүһүөххэ туһаайыллар дьарыктар •Физическэй культура, оонньуу нөҥүө эмтээһин, дьарыктар. Коммуникативнай оонньуулар, бэйэ бэйэни кытта кэпсэтии. Доруобуйа уруоктара. Бэйэни массажтаныы. •Арт-терапия. Остуоруйа нөҥүө эмтээһин. Араас өҥүнэн дьайыы. Тыл дорҕоонун кытары хамсаныылаах дьарыктар. Бу ааттаммыт технологиялар оҕону үөрэтэргэ-иитэргэ иитээччилэргэ уонна төрөппүттэргэ улахан сыаннастары оҥорон таһаарар.