_{Күндээдэ нэһилиэгэр уопсай төрөппүт мунньаҕа ыытылынна.}

Улуустааҕы КДН быһаарыытынан, бэҕэһээ Күндээдэ нэһилиэгэр уопсай төрөппүт мунньаҕа ыытылынна. Ол иннинэ оскуола үөрэнээччилэрин кытта бэсиэдэ буолбута. Төрөппүт мунньаҕар полиция мл. лейтенана, дорожнай надзор судаарыстыбаннай инспектора Родион Винокуров, ПДН инспектора, полиция, мл. лейтенана Анастасия Поликарпова, Күндээдэ нэһилиэгин участковайа Максим Степанов, үөрэх управлениетын салайааччытын солбуйааччыта Сергей Васильев, Ньурбатааҕы улуустар икки ардыларынааҕы дьиэ кэргэҥҥэ уонна оҕоҕо көмөлөһөр комплекснай киин специалиһа Александра Дмитриевна уонна оройуон КДНын эппиэттиир сэкэрэтээрэ кытыннылар, туһааннаах иһитиннэриилэри оҥордулар. Төрөппүттэргэ аналлаах бэсиэдэлэр оҕо иитиитигэр, кини олоҕор уонна доруобуйатыгар куттал суоһаабатыгар туһалаах буолуохтарыгар эрэнэбит.