_{Улууска биллэр урбаанньыттар Титовтар сиэннэрэ, Юрий Татаринов уонна эһэтин атын сүгэр Герман Титов матассыыкылларын СВО-ҕа биэрэн ыыталларын туһунан биллэрдилэр.}

Улууска биллэр урбаанньыттар Титовтар сиэннэрэ, Юрий Татаринов уонна эһэтин атын сүгэр Герман Титов матассыыкылларын СВО-ҕа биэрэн ыыталларын туһунан биллэрдилэр. Эдэркээн патриоттар дойдубутугар куттал суох буоларын туһунан СВО-ҕа кытта сылдьар буойуттарбытыгар ис сүрэхтэриттэн кыһаллаллар, кыайыы түргэнник кэлэригэр баҕараллар. Кинилэр бырааттара Андрей Татаринов, Николай Егоров убайдарын үтүктэн, мунньа сылдьар харчыларынан кыттыһарга бэлэмнэрин иһитиннэрдилэр, копилкаларын алдьаттылар. Күндээдэ аннынан парому үлэлэтэр Герман Серафимович уонна Зоя Васильевна Титовтар улууска буолар тэрээһиннэргэ барытыгар көхтөөхтүк кытталлар, көхтөөх спонсор быһыытынан биллэллэр. Кинилэр СВО-ҕа улуустааҕы көмө фондатыгар иллэрээ сыл уонна былырыын 200-түү тыһ. солк. көмөлөспүттэрэ, соторутааҕыта эмиэ үгүөрү үбү – 100 тыһ. солк. биэрдилэр. Дойдубутугар маннык үтүөкэн сүрэхтээх, ис сүрэхтэриттэн көмөлөһөр дьоммут баалларын тухары, биһиги дойдубут инники эрэлэ уонна кэскилэ сырдык. Улуус дьаһалтатын пресс-сулууспата.