_{Сахабыт сиригэр үөскүүр кыыллар , балыктар тустарынан фотопрезентация нөҥүө туспа интэриэһинэй дьарыгы итээччи көмөлөһөөччүтэ Данилова С.С. ыытан оҕолор болҕомтолорун тарта.}

Оҕолорго төрөөбүт дойдуга тапталы, кини историятын билэргэ дьулуһууну иитии олох кыракый саастарыттан барыахтаах. Ол сыалтан ааспыт нэдиэлэбит Төрөөбүт кыраайы үөрэтээһиҥҥэ аналлаах ыытылынна. Иитээччилэр оҕолорго араас интэриэһинэй дьарыктары ыыттылар. Холобур улууспутугар хас нэһилиэк баарын, кинилэр ааттарын карта көмөтүнэн үөрэттилэр, билистилэр. Билиилэрин хаҥатан тыл оонньуутун ньыматынан ,сүһүөхтэри холбоон нэһилиэктэр ааттарын булаттаан үөрэҕи ылыммыттарын, булугастарын көрдөрдүлэр. Маны таһынан оройуоммутугар баар Ытык Кэрэ сирдэрбит тустарынан кэпсэттибит, картаҕа көрдүбүт. Сахабыт сиригэр үөскүүр кыыллар , балыктар тустарынан фотопрезентация нөҥүө туспа интэриэһинэй дьарыгы итээччи көмөлөһөөччүтэ Данилова С.С. ыытан оҕолор болҕомтолорун тарта. Нэдиэлэбит ити курдук үтүө түмүктэрдээх түмүктэннэ, оҕолор төрөөбүт дойдуларын тустарынан билиэх-көрүөх баҕаларыгар олук уурулунна.