_{Ньурба куоратын оҕолоро төрөөбүт тылларынан ситимнээхтик саҥаралларын туһугар Ньурба тыйаатырын артыыстара араас остуоруйалары туруоран, оҕолор тэрилтэлэринэн, уһуйааннарынан,оскуолаларынан сылдьан көрдөрөр үгэстээхтэр.}

Ньурба куоратын оҕолоро төрөөбүт тылларынан ситимнээхтик саҥаралларын туһугар Ньурба тыйаатырын артыыстара араас остуоруйалары туруоран, оҕолор тэрилтэлэринэн, уһуйааннарынан,оскуолаларынан сылдьан көрдөрөр үгэстээхтэр.
Алтынньы 22 күнүгэр Ньурба тыйаатырын артыыстара Сайыына Герасимова, Чаҕылыына Сарыал, Роман Семенов Ньурбатааҕы дьиэ кэргэҥҥэ уонна оҕоҕо көмө буолар кэлим кииҥҥэ нуучча норуотун “Колобок” остуоруйатын кииҥҥэ эмтэнэр оҕолорго сахалыы оонньоон көрдөрдүлэр. Оҕолор куукула остуоруйатын олус сэргээн көрдүлэр, артыыстары кытта тэҥҥэ оонньостулар, үҥкүүлээтилэр.
Оттон «Туллукчаан» оҕону сайыннарар киин «Чуораанчык» бөлөҕүн иитиллээччилэригэр СӨ үтүөлээх артыыстара Александра Кривогорницына уонна “Эбээ Маайа” ханааллаах Майя Слепцова остуоруйа кэпсээн, ырыа-хоһоон ааҕан, оонньуу ыытан, кырачааннар төрөөбүт тылларынан истэ, саҥара үөрэнэллэригэр дьарыктаатылар.
А.Комогорцева устуулара