НЬУРБАҔА ОҔОНУ ЧЭБДИГИРДЭР, ДЬИЭ КЭРГЭҤҤЭ КӨМӨ БУОЛАР КИИН ТУҺУНАН...

"👋Дорообо Тускулаана! Ньурбаҕа реабилитационнайга сылдьан видео устан, информация ылан группаҕар угарыҥ буоллар. Элбэх дьон көрөн оҕолорун эмтэтэ, сынньата илдьиэхтэрэ эттэ. Мин кыыһым онно эмтэнэ сынньана сытар усулуобуйа отой 👍",

– диэн ватсап илдьит кэлээтин кытта Ньурбаҕа сылдьар киһи тутатына тэрилтэҕэ эрийдим. Өрөбүл күн Валентина Иванова - туорт Отделение баарыттан биир сэбиэдиссэй олус үчүгэйдик көрсөн тэрилтэ дьиэтигэр тиийэн толору билиһиннэрдэ.

Ньурбатааҕы дьиэ кэргэҥҥэ уонна оҕоҕо көмө буолар кэлим киин аан бастаан 1996 сыллаахха Нерюнгритааҕы реабилитационной киин салаатын быһыытынан аһыллыбыта. Онтон 2004 сыллаахха туспа киин быһыытынан үлэлээн 2008 сыллаахха уопсай дьиэни өрөмүөннээн киирэллэр, онтон 2018 сылга саҥа спальнай корпус эбии тутуллар. 2021 сылтан "Арчы" реабилитационнай киини кытта холбоһон оҕону чэбдигирдэр, дьиэ кэргэҥҥэ көмө буолар үлүгэрдээх үлэни ыыталлар. Манна Бүлүү түбэтин улуустарын уонна Дьокуускай куораттан доруобуйаларынан хааччахтаах, ону кытта анал байыаннай дьайыы кыттыылаахтарын оҕолоро (4-18 саастаахтар, эһээхэй оҕолор төрөппүттэринээн) эмтэнэллэр, чэбдигирэллэр,сылга 600 тахса о5о кэлэн ааһар. Иккис мэндиэмэҥҥэ олох ыарахан түгэнигэр түбэспит дьиэ кэргэттэргэ көмө буолаллар.
Билигин кырдьаҕастар дьиэлэригэр өрөмүөн бара турарынан сибээстээн бастакы этээс кырдьаҕастарга бэриллэн турар, сэтинньи ыйга дылы. Ол да буоллар үлэни тохтоппокко сааьыланан өҥөнү толору оноро олороллор.
Кииҥҥэ киирээти кытта оҕолор сынньанар хосторо, олус минньигэс астаах остолобуой, массаж хоһо. Бүлүү бөлөх улуустарыттан биир бастакынан оҥоһуллубут туус хоһо. Иккис мэндиэмэҥҥэ ЛФК, логопед, психолог, дефектолог, сурдопедагог, быраастар, үлэһиттэр хосторо бааллар. Хас биирдии хос анал оборудованиянан хааччыллан оҕо сайдыытыгар көмө буолар. Былырыын арассыыйатаа5ы пуонда курэ5эр Үлэ министерствотын кытта граҥҥа кыттан кыайан оборудования арааһын ылбыттар, ол иһигэр логопед хоппото кытта баар. Бу тэриллэринэн дьиэттэн кыайан кэлэн эмтэммэт оҕолорго көмө буолаллар. Чэбдигирдэр киин сатаан саҥарбат, бытаан сайдыылаах оҕолорго көмөлөһөр, элбэх дьон махталын ылар. Бүлүү улуустара чугастыы Ньурба киинигэр оҕолору чэбдигирдиэххэ сөп эбит, сыл устата 17 төгүл 30-туу оҕону чэбдигирдэллэр. Реабилитационнай киин сыралаах үлэтин, оҕону сайыннарар араас ньымаларын олус элбэх төрөппүт сэргиир эбит. Арба, Сунтаартан Ян Вячеславович Павлов физиотерапевынан үлэлиирин иһиттим. Тэрилтэ 57 үлэһиттээх, салайааччы Марианна Васильевна Алексеева. Үлэҕитигэр махтал, өссө да сайда-үүнэ туруҥ! Кууруска эмтэнэ киирии бэрээдэгин туьунан билсэр төл: 89241608691 / Ефросинья Анатольевна.

Тускулаана ГОРОХОВА-КОБЕЛЬЯНОВА, атырдьах ыйын 10 күнэ, 2025 сыл.