_{Бэс ыйын 11 к. Ньурба, Үөһээ Бүлүү уонна Сунтаар улуустара кыттыылаах, «Куттала суох оҕо саас» зональнай семинар-практикум ыытылынна.}

Бэс ыйын 11 к. Ньурба, Үөһээ Бүлүү уонна Сунтаар улуустара кыттыылаах, «Куттала суох оҕо саас» зональнай семинар-практикум ыытылынна. Тэрээһиҥҥэ СӨ Үлэ уонна социальнай сайдыы министиэристибэтиттэн демографическай уонна дьиэ кэргэн бэлиитикэтин, эппиэкэ уонна попечительство департаменын кылаабынай исписэлииһэ Вилюяна Монастырева кэлэн кытынна. Эбиэккэ диэри Ньурба тыйаатырыгар сэминээр теоретическай чааһыгар сүрүн түгэнинэн Ньурбатааҕы Улуустар икки ардыларынааҕы дьиэ кэргэҥҥэ уонна оҕоҕо кэлим көмө киинин «Межведомственная технология сборника «Поезд безопасности» (из опыта работы)» хомуурунньугун сүрэхтэниитэ буолла.

🚂 «Поезд безопасности» бырайыак интенсив-куурустарыгар оҕолор бастакы көмөнү оҥорорго, ыксаллаах быһыыга-майгыга хайдах быһыылаахтык сөпкө туттарга, тас эйгэҕэ сэрэхтээх буоларга үөрэнэллэр. Интенсив-куурус икки түһүмэҕин ааспыт 2589 оҕоҕо сертификаттар бэриллибиттэр. Маннык үлэ оҕолорунан эрэ муҥурдаммат, төрөппүттэр эмиэ кыттыһаллар.

👮‍♂️ Улуустааҕы КДН, баһаарынай сулууспа, Ньурбатааҕы көрдүүр-быыһыыр этэрээт, ГАИ отделын, ПДН үлэһиттэрэ уонна «Поезд безопасности» бырайыак координатора, Дьиэ кэргэҥҥэ уонна оҕоҕо кэлим көмө киинин үлэһитэ Александра Архипова туһааннаах хайысхаларынан иһитиннэрии оҥордулар.

Эбиэттэн киэһэ Ленин болуоссатыгар оҕолору хамаанданан арааран, «Баһаартан куттал суох буолуута», «Бастакы көмө төрүттэрэ», «Суолга куттал суох буолуута» « О5о буруйу оноруута тахсыбатын» уо.д.а. тиэмэлэринэн ыстаансыйаларынан оонньуу тэрилиннэ.

Ньурба оройуонун профилактика үлэһиттэригэр дьиэ кэргэн, оҕо туһугар күүстээх үлэҕит иһин махталбытын биллэрэбит.