_{Үгүс үтүөлээх үлэьит!}

Андреев Олег Андреевич Ньурбатаа5ы «Арчы» сокуоннай саастарын ситэ илик о5олору реабилитациялыыр кииӊӊэ, онтон 2021 сылтан дьиэ кэргэӊӊэ уонна о5о5о көмөну онорор кэлим кииӊӊэ иитээччинэн 18 сыл үлэлээн кэлбитэ. Хомойуох иьин «үлэлээн кэлбитэ….» эрэ диибит. Олег Андреевич үлэтин үгэнигэр сылдьан соҺумардык 2024 сыл ыам ыйын 31 күнүгэр күн сириттэн барбыта. Кини туьунан бииргэ үлэлээн ааспыт коллегалара олус истиӊник уонна иҺирэхтик ахтабыт.
Олег Андреевич – үгүс үтүөлээх иитээччи! ДьоҺуннаах улэьит! КиҺи утүөтэ! Кини үлэтин олус таптыыр, улэтигэр бэриниилээх, хас биирдии иитиллээччигэ ураты бол5омтолоох педагог этэ. Ыарахан түгэӊӊэ түбэспит о5олорго уонна кини тороппуттэригэр ураты бол5омтолоохтук уонна олус кыҺамньылаахтык сыҺыаннаҺара. Барытыгар дьо5урдаах буолан, о5олорго араас куруҺуоктары тэрийэн, сайыннартаан, элбэх ситиҺиилэрдээх таҺаарара. ЫрыаҺыт мааныта, баяӊӊа, гитара5а, синтезаторга сатабыллаахтык оонньуур буолан, ырыа5а элбэх о5ону уҺуйан, эрчийэн, араас таҺымнаах күрэхтэргэ кыттан сылтан сыл аайы ситиҺии сиэтиилээх буолара. Олег Андреевич биир сүрүн уратыта – хас биирдии о5о дьо5урун таба көрүүтэ. Кини этээччи: «Хас биирдии о5о син биир туох эрэ учугэй өруттээх, ол ону таба тайаныахха эрэ наада, оччо5о барыта табыллар» диэн. Кини барытыгар дьо5урдаах буолан иитэр үлэ5э бырайыактара араас хайысхалаахтара. Ол курдук, улахан уолаттары инникитин сатабыллаах ыал а5ата буоларга иитэр сыаллаах, тимири сыбааркалыырга, маьы устуруустуурга, тыа5а илдьэттии сылдьан балыктыырга үөрэтэрэ. Кыргыттары ыал ийэтэ, үчүгэй хаьаайка буола үүннуннэр-сайынныннар диэн ас астыырга, баайарга, иистэнэргэ үөрэтэрэ-такайара.
Улэлээбит сылларыгар Олег Андреевич салалтатынан 30-тан тахса мультипликационнай киинэлэри онорон, Республиканскай «Чудеса кино» фестиваль хас да төгүллээх кыайыылаахтара буолары ситиспитэ. Ону таьынан, мультиктары онорорго уонна мультипликатор улэтэ хайдах курдук сыралаа5ын уонна онно тулуур, дьулуур ирдэнэрин иӊэрбитэ. Элбэх о5ону компьютер сатабылыгар үөрэппитэ.
Олег Андреевич киьи быьыытынан үтүө санаалаах, аьыныгас дууьалаах этэ, онон о5олору эмиэ бэйэтин холобуругар иитэрэ. О5олорго ураты истин сыҺыаннаах буолан, о5олор кинини наҺаа сөбулууллэрэ, хаьан да5аны куолаҺын соноппокко, хайа ба5арар о5ону кытта сөптөөх сыҺыан булара.
Кини ииппит, үтүө5э уьуйбут о5олоро улаатан, бэйэлэрэ ийэ, а5а да буолан олорон, Олег Андреевичтарын утүө тылларынан ахталлар, саныыллар уонна махтаналлар. Ону таҺынан, Ньурба оройуонун биир биллэр оҺохчута. Кини сатабыллаах тутуутунан элбэх ыал ичигэс дьиэлэннэ5э.
Улууспут биир ча5ылхай киҺитэ, тапталлаах кэргэн, амарах а5а, эйэ5эс эҺээ, үгүс утүөлээх улэҺит, Олег Андреевич, дьон өйугэр-санаатыгар, онноо5ор кыра о5отугар тиийэ утүө эрэ өйдөбулу хаалларда5а. Кини сырдык аата биҺиги сурэхпитигэр мэлдьи баар.