_{Саха сириттэн Арассыыйа Дьоруойдарыгар анаан үйэлээх стендэ арылынна.}

Бүгүн биһиги тэрилтэҕэ өссө биир бэлиэ түгэн буолла. Ол курдук, Өрөгөйдөөх Кыайыы 80 сылыгар , 2025 сыл Арассыыйа5а А5а дойдуну уонна Сахабыт сиригэр Ийэ дойдуну көмүскээччи сылыгар анаан кэлэр көлүөнэ ыччакка холобур буолар үтүөкэн дьоммутугар – Саха сириттэн Арассыыйа Дьоруойдарыгар анаан үйэлээх стендэ арылынна. Стендэ арыллыытыгар кыттыыны ылла Ньурба улууһун байыаннай комиссариатын специалиһа, сержант, анал байыаннай дьайыы кыттыылааҕа, «За отвагу», «За боевые отличия» мэтээллэр уонна «Орден Мужества» хаһаайына Духов Егор Николаевич.
Тэрээһини кырачаан ырыаһыт кыргыттар Алина Дьячковская, Аня Иванова «Эйэ ырыата» диэн олус үчүгэй ырыанан киэргэттилэр, кэлбит ыалдьыттары эҕэрдэлээтилэр. Түгэнинэн туһанан, Ньурбатааҕы кэлим киин аатыттан салайааччы Светлана Васильевнаҕа уонна ырыаһыт кыргыттарга ис сүрэхтэн махтанабыт!
Эйэлээх олоҕу харыстыыр, дьон-норуот туһугар охсуьар, эрэллээх Дьоруойдарбыт, килбиэннээх быҺыыны көрдөрбүт Сахабыт сирин чулуу уолаттарын Албан ааттара үйэттэн үйэҕэ ааттана туруохтун! Бу тугэннэ олоҕуран, хас биирдии киһи дойдуга бэриниилээх буоларга дьулуһуохтаах уонна төрөөбүт дойдута чэчирии сайдарын туһугар үлэлиэхтээх-хамныахтаах.