_{Олунньу 23 күнүн көрсө бүтүн Арассыыйа үрдүнэн ыытыллар «Аҕа дойду көмүскээччитигэр сурук» ааксыйаҕа Ньурбатааҕы улуустар икки ардыларынааҕы дьиэ кэргэннэргэ уонна оҕолорго көмө оҥорор киин көхтөөхтүк кытынна.}

Олунньу 23 күнүн көрсө бүтүн Арассыыйа үрдүнэн ыытыллар «Аҕа дойду көмүскээччитигэр сурук» ааксыйаҕа Ньурбатааҕы улуустар икки ардыларынааҕы дьиэ кэргэннэргэ уонна оҕолорго көмө оҥорор киин көхтөөхтүк кытынна.Анал байыаннай эпэрээссийэҕэ кыттар байыастарга, ону тэҥэ биир дойдулаах саллааттарбытыгар төрөөбүт дойдуларын оҕолорун суруктара дууһаларын сылытыа, күүстэригэр күүс-уох эбиэ диэн сыаллаах тэрээһини ыытан үлэһиттэр төрөппүттэргэ, оҕолорго сырдатан, 105 суругу Хабаровскай куоракка ыыттыбыт. Ааксыйаҕа тэрилтэбит иитиллээччилэрэ эрэ буолбакка, Герой аатын сүгэр оройуоммут оскуолалара: Александр Чусовской аатынан Ньурбатааҕы техническай лицей «Искра» байыаннай-патриотическай кулуубун иитиллээччилэрэ, Николай Чусовской аатынан Антоновка орто оскуолатын уонна Михаил Мегежекскэй аатын сүгэр Маалыкай орто оскуолатын лидер оҕолоро, үөрэнээччилэрэ кытыннылар. Маны таhынан, кэлэр кэнэҕэс ыччаппытын дойдумсах буола улааталларыгар сыаллаан улахан кылаас үөрэнээччилэригэр аналлаах оройуоннаҕы «Саха ньургун уоланнара» күрэх тэрийэргэ бэлэмнэнэбит. Тэрээhиҥҥэ кыттыыны ылыахтара анал байыаннай эпэрээссийэ кыттыылаахтара, оройуоннааҕы үөрэҕирии салалтата, ыччат бэлиитикэтин салаата, сокуоннай саастарын ситэ илик оҕолор бырааптарын көмүскүүр хамыыhыйа, сокуоннай сааhын ситэ илик оҕо инспекциятын сулууспата, улуустааҕы оҕо спортивнай оскуолата, Ньурба улууhун экологияҕа судаарыстыбаннай кэтэбилин кэмитиэтэ уо.д.а. тэрилтэлэр кыттыахтара.