_{Мин эhэм Федоров Василий Данилович II}

Мин эhэм Федоров Василий Данилович II – Баччаӊ Баhылай 1902 сыллаахха Ньурба улууhун Кугдаар нэhилиэгэр төрөөбүтэ уонна Кугдаар таhыгар Yөттээх диэн сиргэ олорбута. 1941 сыллаахха атырдьах ыйыгар Ньурба оройуонун байыаннай комиссариатын ыӊырыытынан Кыhыл Армия саллаата буолан, уоттаах сэриигэ маӊнайгы хомуурга барбыта. 1942 сыллаахха муус устар ыйга Ржев куоратын аатырар кыргыhыытыгар кыттыыны ылбыта. Бу кырыктаах кыргыһыыга Саха сириттэн 2 тыһ. тахса буойун сэриилэспитэ биллэр. Онно эhэм аӊаар илиитин тоӊоно5ун курдары ыттаран, улаханнык бааhыран, төрөөбүт төрүт түөлбэтигэр төннүбүтэ. Ийэ дойдутун туhугар хорсун быhыыларын иhин «Албан аат» III степэннээх орденынан уонна элбэх мэдээллэринэн на5араадаламмыта. Сэриигэ сылдьыбытын туhунан олох кэпсээбэт этэ диэн ийэм этэр. 1948 сыллаахха эбэбин икки о5олоох сэрии огдооботун Оппуруоhаны кэргэн ылан 2 о5олоноллор. Эhэм доруобуйатын сэриигэ ылбыт бааhырыыта, уот кураан, аччык дьыллар кыhар5аннара, хаhан да бүппэт ыарахан үлэ содуллара улаханнык кэбирэппиттэрэ. Онон 1967 сыллаахха ыалдьан өлбүтэ. Олус элбэх саӊата суох, көнө майгылаах киhи этэ. Сэрии кэнниттэн бултаан аhаан- таӊнан олорбут. Сэрии сылларыгар биир дойдулаахтарыгар булдуттан бэрсэн, хоргуйан өлүүттэн элбэх ыалы быыhаабыта диэн үөлээннээхтэрэ кэпсииллэрэ. Ону туоhулаан хаста да да5аны кини туhунан хаhыакка ыстатыйалар тахсан турардаахтар. Ыстатыйалар ааптардара кинини бэргэн ытааччы, дэлэгэй киhи этэ диэн олус истиӊник, иhирэхтик ахталлар, махтал тылларын этэллэр. Е.А.Трофимова, Ньурбатаа5ы дьиэ кэргэӊӊэ уонна о5олорго көмөнү оӊорор улуустар икки ардыларынаа5ы кэлим киин социальнай үлэ специалиhа #ЯкутияПомнит