_{«Тыллаах буоламмыт тыыннаахпыт, саҥалаах буоламмыт Сахабыт»}

«Тыллаах буоламмыт тыыннаахпыт, саҥалаах буоламмыт Сахабыт» диэн этиллэринии хас биирдиибит төрөөбүт төрүт тылга харыстабыллаах сыһыаныттан, ийэ тылбыт сарсыҥҥыта тутулуктаах. Саха Өрөспүүбүлүкэтин маҥнайгы президенэ М.Е.Николаев уурааҕынан Ийэ тыл уонна сурук-бичик күнэ 1996 сыллаахха саха норуотун чулуу уола, улуу сырдатааччы Семен Андреевич Новгородов төрөөбүт күнүгэр олохтоммута. Бу кэмтэн, олунньу 13 күнүгэр, саханы саха дэтэр саха суругун-бичигин күнэ киэҥ далааһыннаахтык бэлиэтэнэр. Бу күҥҥэ аналлаах тэрээьини төрөппүттэргэ уонна оҕолорго анаан ыытттыбыт. Үлэһиттэр күндү төрөппүттэри күн төгүрүк алаадьынан, утаҕынан күндүлээтилэр. Ийэлэр «Тыл хонуута» диэн интеллектуальнай оонньууга көхтөөхтүк күрэхтэстилэр. Кинилэр сахалыы тыллары, өс хоһоонорун, таабырыыннары төһө билэллэригэр тургутууну аастылар.Кыайыылааҕынан Нехорукова Акулина Константиновна буолла. Күндү төрөппүттэрбитигэр көхтөөх кыттыыгытыгар махтанабыт! «Эбиллибэт билии көҕүрүүр» диэн өс хоһоонугар этиллэринии, бу курдук элбэҕи ааҕан билиигит-көрүүгүт хаҥыы турдун! Оҕолорбут доруобуйаларын тупсаралларын кэмигэр тугу билбиттэрин, үөрэппиттэрин көрөөччүлэргэ үөрэ-көтө көрдөрдүлэр. Ырыа ыллаатылар, хоһоон аахтылар, үҥкүүлээтилэр, оркестрынан оонньоотулар. Гаврильев Валера, Платонов Эрчим уонна бырааттыы Эрхан уонна Дархан Алексеевтар музыкальнай салайааччыларынаан Екатерина Николаевналыын күпсүүргэ сахалыы матыыбы оонньоон, төрөппүттэри, үлэһиттэри сөхтөрдүлэр. Ити курдук Ийэ тыл күнүгэр аналлаах тэрээһиммит тэрийээччи педагог Андреева А.М. салалтатынан бэрт сэргэхтик ааста.