_{Төрүт тыл уонна сурук-бичик кэрдииһигэр анаан, бастакы күн саха төрүт аһыгар ананна.}

Төрүт тыл уонна сурук-бичик кэрдииһигэр анаан, бастакы күн саха төрүт аһыгар ананна. Минньигэс астаах поварбыт Виктория Афанасьевна оҕолорго анаан сахалыы ас арааһын, туһатын туһунан билиһиннэрдэ уонна саха омук биир саамай бастыҥ аһынан, күөрчэхтээх лэппиэскэнэн күндүлээтэ.Бу Орто дойдуга киһи чэгиэн уонна чөл туруктаах сылдьарыгар аҥардас эт-сиин эрчиллиитинэн эрэ буолбакка, сүрүннээн иҥэмтэлээх ас сүрүн оруолу ыларын биһиги хас биирдиибит билиэх тустаах. Саха омук тыйыс тымныы кыһыннаах сиргэ олорор буоламмыт, онно сөптөөх саха төрүт аһын аһыахтаахпыт диэн Виктория Афанасьевна кэпсээнин оҕолор күөрчэхтээх лэппиэскэ мотуйа олорон сэҥээрэ иһиттилэр.